ისტორიკოსი ზურა დათუაშვილი სოციალურ ქსელში წერს:

„ზურაბიშვილის ნაცოდვილარ "შეწყალებაზე" რომ ვფიქრობ, კიდევ ერთხელ ვრწმუნდები, რა ცოტა იცის საზოგადოებამ პირველი დემოკრატიული რესპუბლიკის და მისი მეთაურის შესახებ.

არ გვქონდა ჩამოყალიბებული საზღვრები, არ გვყავდა სათანადოდ გაწვრთნილი ჯარი, არ გვქონდა ეკონომიკა, მოშლილი იყო სოფლის მეურნეობა, არ იყო საკმარისი ფინანსები, გარს გვეხვია უამრავი მტერი და ავის მოსურნე, სასიცოცხლოდ ვიყავით დამოკიდებული ძლიერ მოკავშირესა და პარტნიორზე...

მაგრამ გვქონდა ღირსების გრძნობა, რაც არაერთხელ გამოსცადეს საკუთარ თავზე სხვადასხვა პერიოდში მფარველისა და მოკავშირის სტატუსით მოსულმა ევროპულმა გრანდებმა, ჯერ გერმანელებმა, მერე ბრიტანელებმა.

ხანდახან, ნამეტანი რომ გადაიოხრებდნენ თავზე და ცხვირწინ ხელებს აუტრიალებდნენ მთავრობის თავმჯდომარეს, ხან მასზე მოითითებდნენ და ხან იმაზე, ხან ამას ავალდებულებდნენ და ხან იმას, დინჯ პოლიტიკოსში ფიცხი გურული იღვიძებდა და ისე მწარედ უბრუნებდა პასუხს, შეცბუნებული სტუმრები ერთმანეთს ასწრებდნენ მისი კაბინეტიდან.

უკაცრავად ამ სიტყვაზე, მაგრამ ტყლარწ მთავრობას და სახელმწიფოს, რომელსაც პრინციპული პოზიციის დაცვა არ შეუძლია, პატივს არავინ სცემს, არც ქვეყნის შიგნით და მით უმეტეს, - გარეთ!“