"ჰიტლერის გეგმაში შედიოდა გაენადგურებინა "ტილებივით გამრავლებული დაბალი რასები"(WiE DIE WENCE VERMEHRTE NIEDE RASSEN)

ცხადია, ამ განსაზღვრებაში ქართველებიც იყვნენ მოქცეულები.

სწორედ საბჭოთა არმიამ გადატეხა წელში ეს ბოროტების მანქანა.

ვინც ამბობს, რომ ორივე სისტემა თანაბრად ბოროტი იყო, უბრალოდ ვერ საზღვრავს მთავარს-საბჭოთა სისტემა ერების ფიზიკურ განადგურებას მიზნად არ ისახავდა, ხოლო ნაციზმის გამარჯვების შემთხვევაში, ჩვენ უბრალოდ გაგვჟლეტდნენ სხვა, ასეთივე "არაარიულ" ხალხებთან ერთად.

ამიტომ, როდესაც შეურაცხყოფენ და თავს ესხმიან 9 მაისის მონაწილე ვეტერანებს და სხვისას უწოდებენ მეორე მსოფლიო ომს, ეს ადამიანები გაუცნობიერებლად საკუთარ დაბადებას და არსებობას აპროტესტებენ.

პრინციპში, შეიძლება მართლებიც იყვნენ, რახან ასე დარწმუნებულები არიან, რომ არ უნდა გაჩენილიყვნენ ამქვეყნად.

ზემოთმოყვანილი სტატუსის შემდეგ აღმოვაჩინე,რომ რასობრივ თეორიას უამრავი მომხრე ჰყოლია საქართველოში. თანაც რაღაც საოცარი მენტალური ინფანტილიზმის წყალობით ქართველთა ნაწილი მიიჩნევს,რომ გერმანელი რასისტები ქართველებს აუცილებლად შეიყვანდნენ "არიელთა" ელიტურ კლუბში.

შემდეგ ჩვენსავით "არიელ" გერმანელებთან ერთად სხვა ხალხებს დავიმონებდით,ურჩებს გავაქრობდით და ვიცხოვრებდით ბედნიერად 'ათასწლოვან რაიხში".

კიდევ უფრო გასართობი ისაა, რომ ამ სასაცილო დიხოტომიური ავადმყოფობით შეპყრობილ ადამიანებს სერიოზულად ჰგონიათ, რომ თუ ნაცისტური გერმანია უფრო დიდ ბოროტებად მიგაჩნია, ვიდრე საბჭოთა კავშირი, ე.ი. კომუნისტი ხარ.

ან თუ ამბობ, რომ თურქეთი და ირანი უფრო მეტად მიუღებელი არჩევანი იყო, ვიდრე რუსეთი, ე.ი. რუსოფილი ხარ.

თუ ნაცები არ გიყვარს, ე.ი. ოცნების ფანი ხარ.

და ა.შ.

ამ " ან ეს, ან-ის"- დიხოტომიური აშლილობით უამრავი ადამიანია აგრესიულად დაპროგრამებული და მათ თავისი სახელი უნდა დაერქვას.

ჩემი აზრით, მათ მდგომარეობას კარგად გამოხატავს ახალი სიტყვა-"ან-ან-ისტი".

ხოლო მოვლენას "ან-ან-იზმი".

P.S.

მსგავსება ბიბლიური ონანის ცოდვის აღმნიშვნელ სიტყვასთან შემთხვევითია.

პოსტი შარშანწინდელია, დავდე, ვინაიდან ან-ან--ისტების რიცხვი კვლავ მატულობს."