პარლამენტის თავმჯდომარის მოადგილე მამუკა მდინარაძე " Postv"-ის ეთერში ფონდ „ქართუს" მიერ 16 მილიონი ლარის ფარგლებში დაფინანსებულ პროექტს გამოეხმაურა, რომელიც მომდევნო ოთხი წლის განმავლობაში დეგრადირებული ტყეებისა და ფართობების აღდგენას, ასევე, რეკრეაციული ინფრასტრუქტურის განვითარებას ითვალისწინებს.
„საინტერესოა, თუ ვინმემ შეიმჩნია ოპოზიციიდან დღევანდელი სიახლე - 16 მილიონი ლარის დახარჯვა მთაწმინდის ფერდის ტყის ლანდშაფტის აღდგენაზე, რომელიც თბილისის ერთ-ერთი ფილტვია. ყველაზე სასიამოვნო ის არის, რომ ამის შედეგი ათწლეულების შემდეგ კიდევ უფრო გამოვლინდება და ეს არის ის, რაც ჩვენს შვილებსა და შვილიშვილებს გამოადგება", - განაცხადა მამუკა მდინარაძემ.
