უკრაინის პრეზიდენტმა კიევიდან საქართველოში ელჩის კონსულტაციებისთვის გაწვევას შეცდომა უწოდა. ამის შესახებ ადგილობრივი მედია წერს.

ვოლოდიმირ ზელენსკის თქმით, უკრაინსა და საქართველოს შესანიშნავი ურთიერთობები აქვთ და ამიტომაც კიევი თბილისიდან თავისი ელჩის გაწვევას არ აპირებს.

„ვფიქრობ, რომ ეს ქართული მხარის შეცდომაა. კონსულტაციების შემდეგ ყველა მხარე მიხვდება, რომ ნებისმიერი ქვეყნის საკადრო პოლიტიკა ეხება მხოლოდ იმ ქვეყანას და იმ ხალხს, რომელიც იქ ცხოვრობს. ვინმე რომ არ განაწყენდეს, ვფიქრობ, რომ ეს ჩვენი პოლიტიკაა. ბატონ სააკაშვილი უკრაინის მოქალაქეა და მე უკრაინის პრეზიდენტი ვარ, რომელმაც ის დანიშნა“- აღნიშნა ზელენსკიმ.

მანამდე ცნობილი გახდა, რომ საქართველოს ხელისუფლების გადაწყვეტილებით, უკრაინაში საქართველოს ელჩს, თეიმურაზ შარაშენიძეს თბილისში კონსულტაციებზე გამოიძახებენ.

7 მაისს საქართველოს ექს პრეზიდენტი მიხეილ სააკაშვილი უკრაინის რეფორების აღმასრულებელი კომიტეტის ხელმძღვანელად დანიშნა.