ამ ფუმფულა ბისკვიტის საიდუმლო - ლიმონათია

ამ ფუმფულა ბისკვიტის საიდუმლო - ლიმონათია

ლიმონათზე მომზადებული ბისკვიტი გამოდის საოცრად ნაზი, ჰაეროვანი და ფაფუკი.

ინგრედიენტები

კვერცხი - 4 ცალი

შაქარი - 1,5 ჭიქა

ვანილის შაქარი - 1 შეკვრა

ლიმონათი - ნებისმიერი არომატით, 1 ჭიქა

ზეთი - 1 ჭიქა

ფქვილი - 3 ჭიქა

გამაფხვიერებელი - 10 გ

მომზადების წესები

ამ ბისკვიტის მთავარი საიდუმლო – ლიმონათია. ის აუცილებლად გაზიანი უნდა იყოს.

კვერცხი, შაქარი, ვანილის შაქარი ათქვიფეთ მიქსერით, ისე რომ არ შეაჩეროთ თქვეფა, დაუმატეთ ზეთი და ლიმონათი. ნელ-ნელა ჩააყარეთ ფქვილი და გამაფხვიერებელი და კვლავ კარგად ათქვიფეთ. ცომი არაჟნის სისქის უნდა მიიღოთ.

ჩაასხით მიღებული ცომი ტორტის ცხიმწასმულ და ფქვილმოყრილ ფორმაში და შედგით 180 გრადუსზე გახურებულ ღუმელში. აცხვეთ 25-30 წუთი. ფორმა საკმაოდ ღრმა უნდა იყოს, რადგან ბისკვიტი საკმაოდ დიდზე ამოდის..

როცა ბისკვიტი გამოცხვება, გააჩერეთ ჩამქვრალ ღუმელში კიდევ 20 წუთი. შემდეგ ცოტა გააგრილეთ და ისე გადმოიღეთ ფრთხილად ფორმიდან.

რჩევა: საოცარი არომატიც ექნება ტორტს, თუ ლიმონათი იქნება ნაღების.