მალე გაიგებთ სიმართლეს, ბევრისთვის ეს შოკისმომგვრელიც იქნება - ამის შესახებ სახელმწიფო უსაფრთხოების სამსახურის უფროსის ყოფილმა მოადგილემ სოსო გოგაშვილმა სოციალურ ქსელში დაწერა.
მისი თქმით ბევრი ადამიანი ეკითხება, რატომ არ ამბობს არაფერს ამ საქმეების შესახებ.
„პირადში ძალიან ბევრი უცხო ადამიანი მწერს და საჭიროდ ჩავთვალე განმარტება გავაკეთო, მეგობრებმა და ახლობლებმა ისედაც იცით იმის მიზეზი, რაზეც ქვემოთ დავწერ: მოკლედ, მწერენ ძალიან ბევრნი და მეკითხებიან,რატომ არაფერს არ ვამბობ, რატომ ვარ ჩუმად, დამნაშავე ვარ, არა ვარ, რატომ არ ვხსნი იმას, თუ რა მოხდა სალოსის ქუჩის და პანკისის (არა მარტო) სპეცოპერაციის დროს.
მინდა ყველამ იცოდეთ, რომ ჩემი დუმილი ნაყიდი არაა!!!! მე ძალიან ბევრი მაქვს სალაპარაკო და ბევრ რამეს შემიძლია ავხადო ფარდა, ის რაც არ იცის საზოგადებამ და ის რაც არ ჩანს ყველასთვის, მაგრამ იქამდე,სანამ პროკურატურა არ დაასრულებს გამოძიებას და არ დაიდება დასკვნა ( იმედია მალე!!!), მე არანაირ განმარტებას და კომენტარს არ გავაკეთებ, რადგან ხელი არ შევუშალო ამ საქმის მსვლელობას.
დამერწმუნეთ, რომ არაა მარტივი აიტანო ის სიბინძურე და ცილისწამება, რომელსაც ანთხევენ უღირსი და სულიერად, თუ ხორციელად ყოვლად გახრწნილი ბინძური სულის ადამიანები, ჩემი და ჩემი ოჯახის წევრების მიმართ.თქვენ ყველა ძალიან მალე დარწმუნდებით ჩემს სიმართლეში, სისუფთავეში და ერთგულებაში ქვეყნის მიმართ. ის ხალხი რომელიც ამას კადრულობს, ისეთ დღეში ჩავარდებიან, რომ რუსთაველი კი არა, ლილოშიც ვერ გამოყოფენ თავს!! ამ ხალხში არიან, როგორც დაინტერესებული და დავალებამიღებული პერსონები, ასევე "გუნდის" წევრებიც, ასე რომ დაველოდოთ,მალე გაიგებთ სიმართლეს, ბევრისთვის ეს შეიძლება შოკისმომგვრელიც კი იყოს,მაგრამ სიმართლე სიმართლეა! და ეს სიმართლე ქვეყანას არ დააზიანებს, პირიქით უთქმელობა აზიანებს ქვეყანას." - წერს სოსო გოგაშვილი.
