„ევროპული საქართველოს“ ერთ-ერთი ლიდერი გიგი უგულავა აცხადებს, რომ პოლიცია ბრალს 126-ე მუხლით უყენებს, რომელიც პირის ცემას გულისხმობს.
„ჰოი საოცრებავ. პოლიცია დიდსულოვნად მომადგა სახლში და ბრალს მიყენებენ 126-ე მუხლით პირველი ნაწილით, რაც პირის ცემას გულისხმობს. ვინმე ბადრი გავაშელაშვილი ყოფილა ვინც მიჩივის, მცემაო. პროფესიით ძიუდოისტი. მე დავესხი თავს ძიუდოისტს“, - წერს უგულავა.
შეგახსენებთ, რომ დღეს თბილისის საერთაშორისო აეროპორტში, „ევროპული საქართვლოს“ ლიდერებს, გიგი უგულავასა და გოკა გაბაშვილს უცნობი პირები თავს დაესხნენ.