სტრასბურგის სასამართლოს დიდმა პალატამ ძმები ყარამანიშვილების საჩივრის განხილვა დაუშვებლად ცნო. შესაბამისად 18 ივლისს გამოტანილი ვერდიქტი ძალაში რჩება და გადახედვას არ ექვემდებარება.
გადაწყვეტილება სტრასბურგის სასამართლომ გამოაქვეყნა.
საქმის განხილვა "რუსთავი2"-ის ყოფილმა მფლობელებმა ლევან და გიორგი ყარამანიშვილებმა მოითხოვეს.
18 ივლისს სტრასბურგის სასამართლომ დაადგინა, რომ "რუსთავი 2"-ის საქმეზე ადამიანის უფლებათა ევროპული კონვენციის არცერთი მუხლი არ დარღვეულა.
