უმრავლესობის დეპუტატი ზაზა პაპუაშვილი “ქართული ოცნების“ დატოვების შესახებ, “TV პირველის” მიერ, დღეს გავრცელებულ ინფორმაციას არ ადასტურებს. როგორც ზაზა პაპუაშვულმა “2020NEWS“ -ს განუცხადა, “ქართული ოცნების“ დატოვება მის გეგმებში არ შედის.
“ასეთი განცხადება არ გამიკეთებია. ასეთი სიტყვები არავისთვის მითქვამს. ჩემს გეგმებში “ქართული ოცნების“ დატოვება არ შედის. რაც შეეხება კობა კობალაძესა და ირაკლი აბუსერიძეს, ჩემი ინფორმაციით, არც ისინი აპირებენ პარტიის დატოვებას“,- განაცხადა ზაზა პაპუაშვილმა.
"ტვ პირველის" მიერ დღეს გავრცელებული ინფორმაციით, პარლამენტის დეპუტატები: ზაზა პაპუაშვილი, კობა კობალაძე და ირაკლი აბუსერიძე საპარლამენტო უმრავლესობის დატოვების შესახებ განცხადებას უახლოეს მომავალში გააკეთებენ.
შეგახსენებთ, “ქართული ოცნებიდან“ ზაზა პაპუაშვილის წასვლის შესახებ “2020NEWS” რამდენიმე კვირის წინ წერდა.
როგორც მაშინ ზაზა პაპუაშვილმა გვითხრა, მას გადაწვეტილი არ ჰქონდა დატოვებდა თუ არა საპარლამენტო უმრავლესობას.
