სალობიე „ბიას“  შეფ-მზარეული და მფლობელი ამბობს, რომ როცა ათასობით ადამიანი აქციაზე პოლიტიკურ მოვლენებს აკრიტიკებს, პრეზიდენტის ადგილი რესტორანში არ არის.

ამასთან,  გიორგი იოსავა პარლამენტთან საპროტესტო აქციაზე გამოსულ მოქალაქეებს მხარდაჭერას უცხადებს.

“გავედი თუ არა ქალაქიდან, ჩემ სალობიე ბიას ესტუმრა სალომე “ბუა”… სრული სოლიდარობა აქციის მონაწილეებს”, – წერს გიორგი იოსავა Facebook-ზე.

სალობიე „ბიას“  მფლობელის პოზიციას ბიზნესმენი გიორგი ჩიკვაიძე “ფეისბუქის” პირად გვერდზე ეხმაურება:

“სალობიე “ბია”-ს მფლობელის განცხადება, როგორც მინიმუმ არის დიდი სიქაჯე, როცა შენი შეხედულებისამებრ იწყებ სტუმრების გარჩევას, მინინმუმ მადლობელი უნდა იყო როცა ქვეყნის პრეზიდენტი სტუმართან ერთად მოდის შენს “პადვალში”! იარონ დიღმეLამ და მაქარამ. P.s. სამართლებრივი მხრივ, რაც დავინახეთ არის შემდეგი, ობიექტს/”პადვალს” აქვს ერთი შესასვლელ/გამოსასვლელი რაც იკრძალება და ამას აკონტროლებს შრომის უსაფრთხოების ინსპექცია, რომელიც უკვე მეორე წელია აქტიურად ჩაება რესტორნების და კვების ობიექტების ინსპექტირება/მონიტორინგში, ” – წერს ჩიკვაიძე სოციალურ ქსელში.

„სალობიე „ბიაში“ საქართველოს პრეზიდენტი პირველად იმყოფებოდა. ყველაზე სამწუხარო ისაა, რომ მაინცდამაინც დღეს მოვიდა, როცა ამხელა აქცია იყო. დაახლოებით ერთ კილომეტრში ათასობით ადამიანი აქციაზე იმყოფება. ასეთ დროს, პრეზიდენტის ადგილი კვების ობიექტში არ არის.

“ჩვენ არ გვაქვს ე.წ. “ფეისკონტროლი.” ჩვენი ერთადერთი ფეისკონტროლი სტიკერია, რომელსაც „რუსეთი ოკუპანტია“ აწერია. იმედია, ჩვენი პრეზიდენტი ამას ეთანხმება. სამწუხაროდ, მე არ ვიყავი ადგილზე, სხვანაირად დავარეგულირებდი ამ ყველაფერს“ – ამბობს გიორგი იოსავა.