რეზონანსი
24.11.2019

ახალგაზრდები, რომლებიც პროტესტს გამოხატავენ, გულანთებული ახალგაზრდები არიან და ხელისუფლება მათ შემწყნარებლობით უნდა მოეკიდოს - ამის შესახებ განცხადება, დამოუკიდებელმა დეპუტატმა დავით ჭიჭინაძემ გააკეთა.

"ხელისუფლების ახალგაზრდებთან დაპირისპირება ყველაზე ცუდია, ამიტომ ხელისუფლება მეტად დამთმობი უნდა იყოს და სიტუაციას ისე არ უნდა ძაბავდეს, როგორც ამას აკეთებს. არა მგონია ეს დაპატიმრებები რამეს იძლეოდეს ხელისუფლებისთვის. ოპოზიციას რაც შეეხება, პროტესტის რეჟიმშია, რადგან ადამიანები არიან შეურაცხყოფილები და მოტყუებულები.

მეც მოტყუებულად ვგრძნობ თავს და ვაფიქსირებ კიდეც ამას, მაგრამ პროტესტი უნდა იყოს ისეთი, რომ ყველა ვიყოთ შეთანხმებული. ტყუილი არ უნდა იყოს ამ ქვეყანაში, ეს არის ყველაზე დიდი შეცდომა, რაც ხელისუფლებამ დაუშვა და თავს უფლება მისცა, რომ საზოგადოებისთვის ასეთი ტყუილი ეკადრებინა. ოპოზიციის წარმომადგენლები კვირას იკრიბებიან. არსებობს ფორმატი - ყველა ერთის წინააღმდეგ და ამაში უნდა იყოს ყველა. არის შიდა შეთანხმებები, რომელიც უნდა დაიცვან ხოლმე ადამიანებმა ზოგადად." - განაცხადა დავით ჭიჭინაძემ.