სოზარ სუბარი:

სოზარ სუბარი: "ნაციონალური მოძრაობა“ გადაიხდის კიდევ ერთხელ, ძალიან მწარე პოლიტიკურ ფასს

პრემიერ-მინისტრის მრჩეველი, სოზარ სუბარის თქმით, პარლამენტის შენობის წინ აქციის დარბევის აუცილებლობა იყო, პოლიცია და სპეცრაზმი კი, მოქმედებდა კანონის ფარგლებში.

"როდესაც ეს განცხადებები გადადის ქმედებებში, როდესაც ხდება პარლამენტის ბლოკირება, პარლამენტის წევრებზე ფიზიკური თავდასხმები, რაც დღეს დილით ვიხილეთ, ბოქლომების დადება პარლამენტის შენობაზე თუ სხვა ადმინისტრაციულ შენობებზე, ბლოკირება სახელმწიფო შენობების, მაშინ, ბუნებრივია, უფლება კი არ აქვს, მოვალეა იმოქმედოს და ეს მოქმედება განხორციელდა. აღკვეთილია ეს უკანონობა, რომელიც განხორციელდა და ყველა აღიარებდა, რომ ეს იყო უკანონო ქმედება. ისინიც კი, ვინც ცდილობდნენ, გაემართლებინათ მომიტინგეები, ვერ მალავდნენ, რომ ეს იყო უკანონო ქმედება, თვით მომიტინგეებისა და მათი ლიდერების ჩათვლით. იმ დროს, როდესაც პოლიცია, სპეცრაზმი მოქმედებდა კანონის ფარგლებში, ვიხილეთ აღმაშფოთებელი თავდასხმები პოლიციელებზე და განსაკუთრებით გამოვყოფ „ნაციონალური მოძრაობის“ ლიდერის, მათი თავმჯდომარის, მათი პრეზიდენტობის კანდიდატის, კულტურისა და საგარეო საქმეთა ყოფილი მინისტრის ვაშაძის გაუგონარ ქმედებას, როდესაც თავს დაესხა სპეცრაზმელებს და ხელებს ურტყამდა, უტყაპუნებდა მათ, ეს ცდება ყველანაირ ადამიანურ ჩარჩოებს, რაც შეიძლება ადამიანმა წარმოიდგინოს. ამის გამო, „ნაციონალური მოძრაობა“ გადაიხდის კიდევ ერთხელ, ძალიან მწარე პოლიტიკურ ფასს, ხოლო რაც შეეხება სამართლებრივ შეფასებას, ამაზე ალბათ შემდგომში იქნება საუბარი" - აღნიშნა სუბარმა.

amo მე მგონია, რომ თუ ჟურნალისტის მიერ არ ხდება მოვლენების ობიექტური შეფასება, ხდება არასწორი ინტერპრეტირება და ის შეფასების დროს სუბიექტურია, მაშინ ის შეგნებული დამნაშავეა და პასუხი უნდა მოეთხოვოს! გრიგოლია, სანაია რომ გაიძახიან პიკეტირება, პიკეტირება, ეს ხომ სპეციალურად შერჩეული სიტყვაა, რომელიც მათ სპეციალურად მიაწოდეს, რათა შეერბილებინათ, მიჩქმალათ მიმდინარე პროცესების დანაშაულებრივი არსი. რა პიკეტირება, რის ატამი, ეს იყო პარლამენტის ბ ლ ო კ ი რ ე ბ ა! ისე განმარტებისთვის, პიკეტირება ნიშნავს ადგილის მონიშვნას, პალოს დასმას ან რაზმის დაყენებას და არა ბოქლომების დაყენებას, ბარიკადების მოწყობას.
4 წლის უკან