მთელი ნოემბერი თბილი იქნება - ამინდის გრძელვადიანი პროგნოზი

მთელი ნოემბერი თბილი იქნება - ამინდის გრძელვადიანი პროგნოზი

გარემოს ეროვნული სააგენტოს ცნობით,  15 ნოემბრამდე ამინდის მნიშვნელოვნად გაუარესება მოსალოდნელი არ არის.  საქართველოს მთელი ტერიტორია მოქცეულია ატმოსფეროს თბილ ცირკულაციურ პირობებში. თუმცა, გამორიცხული არ არის, რომ ზამთრის პროცესები ცალკეულ დღეებში გამოვლინდეს.

ნოემბრის თვის წინასწარი პროგნოზით,საქართველოს მთელ ტერიტორიაზე თვის ბოლომდე თბილი ამინდები შენარჩუნდება, თუმცა მახასიათებელია გარდამავალი ამინდებით, შემოდგომის თბილი და ზამთრის ცივი.

დასავლეთ საქართველოში, ცალკეულ დღეებში მაქსიმალურმა ტემპერატურამ შესაძლოა მიაღწიოს +23,+25 გრადუსს. (სამეგრელო, იმერეთი, გურია).

დღის მაქსიმალური ტემპერატურა აღმოსავლეთ საქართველოში მოსალოდნელია +15-დან +20 გრადუსამდე. ცალკეულ რაიონებში შესაძლოა 20-22 გრადუსი დაფიქსირდეს.

რაც შეეხება სანაპირო რაიონებს, აქ ჰაერის მაქსიმალური ტემპერატურა შეიძლება მერყეობდეს +18,+30 გრადუსამდე.