სტუდენტთა საინიციატივო ჯგუფის წევრებმა კანცელარიასთან სახალხო დამცველის კანდიდატურასთან დაკავშირებით ჩატარებული კვლევის შედეგები მედიის წარმომადგენლებს გააცნეს. ქუჩაში ჩატარებული გამოკითხვით მოსახლეობის უმრავლესობა სახალხო დამცველის პოსტზე დიმიტრი ლორთქიფანიძეს უჭერს მხარს. გამოკითხვა საზოგადოების თავშეყრის ადგილებზე თბილისის მასშტაბით ჩატარდა და მასში მონაწილეობა 453- მა ადამიანმა მიიღო.
