ყოფილი მაღალჩინოსნების დაკავებასთან დაკავშირებით უკვე გააკეთა კომენტარი პრემიერ-მინისტრმა. ბიძინა ივანიშვილი აცხადებს, რომ ბაჩო ახალაიასა და გაერთიანებული შტაბის უფროსის გიორგი კალანდაძის დასაკავებლად სამართლებრივი საფუძვლები არსებობდა და ეს არ იყო პოლიტიკური დაკავება. პრემიერის განმარტებით, იგი კონკრეტულ ინფორმაციას ამ საკითხთან დაკავშირებით არ ფლობს და არც ამ პროცესებში მონაწილეობდა.
