„არსენა მარაბდელზე როგორ გადაწყვეტილებას მიიღებდით, რომელმაც მდიდარს წაართვა და ღარიბებს დაურიგა“, - ამ კითხვით მიმართა ფრაქცია „ნაციონალური მოძრაობის“ თავმჯდომარემ რომან გოცირიძემ უზენაესი სასამართლოს მოსამართლეობის კანდიდატს გიორგი მიქაუტაძეს.
რომან გოცირიძე: არსენა მარაბდელი გაგიგიათ?
გიორგი მიქაუტაძე: გამიგია.
რომან გოცირიძე: რას ამბობს ხალხი არსენაზე - მდიდარს ართმევს, ღარიბს აძლევს, ღმერთი როგორ წაახდენსა. თქვენ ხართ არსენა მარაბდელის მოსამართლე, რომელმაც ვაჭარს წაართვა მთელი თავისი ქონება და ღარიბებს დაურიგა. მოვიდა თქვენთან ეს საქმე. არსენა მარაბდელი გიზით წინ, რომელმაც მდიდრებს წაართვა, ღარიბებს დაურიგა. როგორ გადაწყვეტილებას მიიღებდით?
გიორგი მიქაუტაძე: თუ დამნაშავე იქნებოდა, გამამტყუნებელს.
რომან გოცირიძე: დამნაშავეა არსენა, რომელმაც ვაჭარს თავისი ქონება წაართვა?
გიორგი მიქაუტაძე: თუ უკანონოდ წაართვა, დამნაშავეა.
ცნობისთვის, იურიდიულ საკითხთა კომიტეტზე უზენაესი სასამართლოს მოსამართლეობის კანდიდატს გიორგი მიქაუტაძეს უსმენენ
