“უახლოეს თვეებში ვაპირებ საქართველოში ჩამოსვლას, არაფერი საიდუმლო არაა, უკრაინაში კარგად ვგრძნობ თავს, მაგრამ სამშობლოს ვკარგავ… მე ქართველ ხალხთან ერთად დავასრულებ ივანიშვილის მმართველობას. მე, ქართველ ხალხთან ერთად – მოდით, გავწიოთ გვერდზე პოლიტიკოსები.
მე არ ვარ პოლიტიკოსი, მე ვარ ქართული თანამედროვე სახელმწიფოებრიობის შემქმნელი. მე ვარ საქართველოს პატრიოტი, მე ვარ ერთ-ერთი თქვენგანი, რომელსაც გული შესტკივა იმაზე, რომ ქვეყანა განადგურდა. ” – ამის შესახებ საქართველოს ექს-პრეზიდენტმა მიხეილ სააკაშვილმა “მთავარ არხის” გადაცემაში “მთავარი აქცენტები” განაცხადა.
მიხეილ სააკაშვილის ამ განცხადებას “ტაბულას” დაფმუძნებელი თამარ ჩერგოლეიშვილი “ფეისბუქის” პირად გვერდზე ასე გამოეხმაურა:
“ღმერთი ხარ კაცო. უბრალოდ ექიმიც ნახე,” – დაწერა ჩერგოლეიშვილმა სოციალურ ქსელში.
მოგვიანებით სააკაშვილის ინტერვიუს “ტაბულას” დამფუძნებელმა კიდევ ერთი პოსტი მიუძღვნა:
“სააკაშვილი რომ ამას როშავს, სააკაშვილი არ არის, ჩერგომ ჯადო გაუკეთა და ალაპარაკებს პირადი ძალაუფლების მოსაპოვებლად!
ეს ვერსია ჯერ არ გაჟღერებულა?” – წერს ჩერგოლეიშვილი.
