თუ ნაცებს დავუჯერებთ და ჩავთვლით, რომ პრეზიდენტის საპარლამენტო მდივანი დიმიტრი გაბუნია შეწყალების სკანდალში ცუდად არის გარეული, მაშინ არც ის უნდა გამოვრიცხოთ, რომ ამ საქმეში ნიკა გვარამიას ხელი ურევია,- ამის შესახებ ასავალ-დასავალი წერს.

,,დიმიტრი გაბუნია და ნიკა გვარამია სოხუმის 11-ე საჯარო სკოლაში პარალელურ კლასში სწავლობდნენ, მეგობრობდნენ, სულ ერთად დადიოდნენ და ერთმანეთთან სიახლოვეს დღემდე ინარჩუნებენ. თუ ნაცებს დავუჯერებთ და ჩავთვლით, რომ პრეზიდენტის საპარლამენტო მდივანი დიმიტრი გაბუნია შეწყალების სკანდალში ცუდად არის გარეული, მაშინ არც ის უნდა გამოვრიცხოთ, რომ ამ საქმეში ნიკა გვარამიას ხელი ურევია.   ჩვენ არაფერს ვამტკიცებთ, მაგრამ კითხვას ვსვამთ, დიმა გაბუნიამ და ნიკა გვარამიამ, როგორც თანაკლასელებმა და ძველმა მეგობრებმა, სალომე ზურაბიშვილის მიმართ პირი ხომ არ შეკრეს და პრეზიდენტი ამხელა უსიამოვნებაში სპეციალურად ხომ არ გახვიეს, რათა საზოგადოებრივი აზრი მის წინააღმდეგ დაერაზმათ და პოლიტიკურ დღის წესრიგში იმპიჩმენტის თემა შემოეგდოთ?- ნათქვამია სტატიაში.