ექსპერტი გია აბაშიძე 20 სექტემბერს „სირცხვილიას" აქციაზე დედა სიდონიას გამოსვლას ეხმაურება.
აბაშიძე ამბობს, რომ დედა სიდონია, რომელიც წესით განდეგილი ცხოვრებით უნდა ცხოვრობდეს არ მოქმედებს არც საბერძნეთის და არც საქართველოს ეკლესიის კანონმდებლობით.
„იცოდით, რომ როგორც შარშან, საპატრიარქომ განაცხადა: დედა სიდონია საქართველოს ეკლესიის წევრი არ არის. კარგა ხანია საბერძნეთის ეკლესიის დაქვემდებარებაშია და დიდი სქემაც იქ მიიღო. დიდსქემოსნობა, ფაქტიურად, განდეგილური ცხოვრების წესს ნიშნავს, რაც ამ პიროვნებისთვის, სამწუხაროდ, საერთოდ უცხო აღმოჩნდა. იგი არ მოქმედებს არც საბერძნეთის და არც საქართველოს ეკლესიის კანონმდებლობით და ამდენად, მის საჯარო ქმედებებთან არცერთ ეკლესიას კავშირი არა აქვს", - წერს გია აბაშიძე.
