„რუსთავი2"-ის დამფუძნებლების ჯარჯი აქიმიძისა და დავით დვალის განცხადებით, ისინი უახლოეს მომავალში ტელეკომპანიის დასაბრუნებლად ბრძოლას იწყებენ. ამის შესახებ განცხადება მათ „მთავარი არხის" ეთერში, რუსთაველზე მიმდინარე საპროტესტო აქციიდან ჩართვისას განაცხადეს
„უახლოეს ხანში ჩვენ წარვდგებით მოსახლეობის წინაშე და ჩვენ გეგმებს გავაცნობთ, სერიოზულ ბრძოლას ვიწყებთ."- განაცხადა დავით დვალმა, თუმცა დეტალები არც მას და არც ჯარჯი აქიმიძეს არ დაუკონკრეტებიათ. მათი თქმით, სამართალი არ იქნება აღდგენილი მანამდე, ვიდრე რუსთავი2 მის დამფუძნებლებს არ დაუბრუნდებათ.
