ავსტრალიაში ტყის ხანძრებს ებრძვიან. უცხოური მედიის ცნობით, ძლიერი სტიქია ქვეყნის აღმოსავლეთ სანაპიროზე ერთდროულად ორ შტატშია გავრცელებული.
ქუინსლენდსა და ახალ სამხრეთ უელსში ერთდროულად ცეცხლის 100-ზე მეტი კერაა. მეხანძრეებს მათ ლოკალიზებაში ხელს ძლიერი ქარი და მაღალი ტემპერატურა უშლით. ასევე ხანძრის გამო ორშაბათს, ქუინზლენდის 11 სკოლა და ახალი სამხრეთ უელსის ოთხი სკოლა დაიხურა. ევაკუირებულია 400-ზე მეტი ადამიანი. ცეცხლი ათასობით ჰექტარზეა გავრცელებული.
მასშტაბური სტიქიის წინააღმდეგ საგანგებო რეჟიმში 500-ზე მეტი მეხანძრე მუშაობს.
ვრცელდება ცნობა, რომ დაშავებულია მხოლოდ რამდენიმე მეხანძრე. ჯერჯერობით არ არის მსხვერპლი.
ადგილობრივი პოლიციის ვარაუდით, ტყის ხანძრის კერები განზრახ არის გაჩენილი და ამ თემასთან დაკავშირებით გამოძიება მიმდინარეობს.