ჩუღურეთის რაიონის გამგეობის ბინათმესაკუთრეთა ამხანაგობების განვითარების ხელშეწყობის პროგრამის ფარგლებში, ჩიქობავას N34-ში წყალარინების ქსელის მოწყობის სამუშაოები მიმდინარეობს.
მიმდინარე პროექტს ჩუღურეთის რაიონის გამგებელი ზურაბ ჩიკვილაძე, საკრებულოში მაჟორიტარ დეპუტატთან, რიმა ბერაძესთან ერთად გაეცნო და ადგილობრივ მოსახლეობას შეხვდა.
აღნიშნულ მისამართზე 14 ოჯახი ცხოვრობს. სამუშაოებს, ჩუღურეთის რაიონის გამგეობის დაკვეთით, კონტრაქტორი კომპანია ასრულებს.
მსგავსი სამუშაოები, პარალელურად 7 მისამართზე მიმდინარეობს, ხოლო 18 მისამართზე უკვე დასრულდა.
