„ევროპული საქართველოს" ერთ-ერთი ლიდერი ელენე ხორტარია, პარტიიდან მის შესაძლო წასვლაზე პირველ კომენტარს აკეთებს.
დეპუტატის, ელენე ხოშტარიას თქმით, ამჟამად ის პარტია "ევროპული საქართველოს" წევრად რჩება.
"ახლა ვარ "ევროპულ საქართველოში". ვეხმარები იმ მთავარ პროცესს, რაც ხდება პარლამენტის შენობის წინ, რუსთაველის გამზირზე "სირცხვილის" თუ რამე გადაწყვეტილებას მივიღებ რა თქმა უნდა ვეტყვი პრესას", - განაცხადა ელენე ხოშტარიამ „იმედთან".
გავრცელებული ინფორმაციით, ელენე ხოშტარიამ შესაძლოა, პარტია ,,ევროპული საქართველოც" დატოვოს და ახალგაზრდულ მოძრაობას ჩაუდგეს სათავეში.
„ქრონიკის" ინფორმაციით, ელენე ხოშტარია თავდაცვის ყოფილ მინისტრს დავით კეზერაშვილს ქვეყნის ფარგლებს გარეთ შეხვდა.
„ქრონიკა" წყაროზე დაყრდნობით იუწყება, რომ კეზერაშვილი ხოშტარიას ლონდონში შეხვდა. დეპუტატი ადასტურებს, რომ მეგობარს ხშირად ხვდება, მაგრამ არა ინგლისში.
