“ახალი მემარჯვენეების“ წევრი ფიქრია ჩიხრაძე “2020NEWS“ - თან აცხადებს, რომ “თიბისი ბანკის“ დამფუძნებლების პარტიაში საკმაოდ ცნობილი სახეები გაწევრიანდებიან. ამასთან, როგორც ჩიხრაძე გვეუბნება, აღნიშნული პირების სახელებსა და გვარებს თავად არ გაასაჯაროვებს.

“ვიცი გარკვეული ადამიანების კატეგორია, რომლებიც ხაზარაძე-ჯაფარიძესთან პოლიტიკურ თანამშრომლობას აპირებენ. აღნიშულის შესახებ მათ თავად უნდა განაცხადონ. ისინი საკმაოდ ცნობილი სახეები არიან. ვფიქრობ, ძალიან საინტერესო იქნება გუნდში ამ ადამიანების თავმოყრა. ამიტომ არის ხელისუფლება ძალიან გაღიზიანებული და დაზაფრული. ვფიქრობ, ძალიან ცოტა დრო დარჩა იქამდე, სანამ ეს ყველაფერი გაცხადდება, ამიტომ სჯობს, დაველოდოთ ინფორმაციის გასაჯაროებას“,- განაცხადა ფიქრია ჩიხრაძემ.

ცნობისთვის, “თიბისი ბანკის“ დამფუძნებელები მამუკა ხაზარაძე და ბადრი ჯაფარიძე პარტიას სექტემბერში დააფუძნებენ.