"კრიტიკულობა არაფერ შუაშია, ნებისმიერი კომპანია გაუშვებდა მათ"

კრიტიკულობა არაფერ შუაშია, ნებისმიერი კომპანია გაუშვებდა მათ - ამის შესახებ განცხადება, საპარლამენტო უმრავლესობის ლიდერმა გია ვოლსკიმ გააკეთა.

"კონკრეტულმა ადამიანებმა გამოაცხადეს, მათ შორის გენერალურმა დირექტორმა, რომ იბრძოლებენ და მთავარი მიზანი იქნება რუსთავი 2-ის დანგრევა. ადამიანები რომლებიც დღემდე, უფრო სწორედ სამი დღის წინ რჩებოდნენ თავიანთ პოსტებზე განაცხადეს, რომ ამ ბრძოლაში მიყვებიან გენერალურ მდივანს. არცერთი დაწესებულება არც ტელეკომპანია, არც ნებისმიერი სხვა დაწესებულება არ დაუშვებს იმას რომ საკუთარი თანამშრომლები, მით უმეტეს საკვანძო პოსტებზე მყოფი თანამშრომლები ღიად აცხადებდნენ, რომ ამ კომპანიის დანგრევაში მიიღებენ მონაწილეობას.

აქ რუსთავი 2-ის კრიტიკულობა არაფერ შუაში არ არის და საერთოდ არ მიმაჩნია, მე პირადად რომ რუსთავი 2 კრიტიკული ტელევიზიაა. ესაა პარტიული ტელევიზია. ყველა სხვა დანარჩენი, აჭარის ტელევიზია, იმედი, ტვ პირველი, შეიძლება იყოს კრიტიკული. ობიექტური თუ სუბიექტური, ეს მეორე საკითხია. მაგრამ რეალურად, რუსთავი 2ის იმ თანამშრომლებმა, რომლებმაც დატოვეს პოსტები, რასაკვირველია, ისიც უნდა აღიარონ რომ მათი მთავარი მიზანი იყო რუსთავი 2-ზე გალაშქრება და არხის წინააღმდეგ გვარამიას ბრძოლაში მონაწილეობა და ეს არის რეალობა, რასაც ყველა ხედავს."

შეგახსენებთ, რომ გუშინ 20 აგვისტოს, რუსთავი 2-ის ახალმა გენერალურმა დირექტორმა, პაატა სალიამ, ტელეკომპანიიდან საინფორმაციოს ხელმძღვანელ ნოდარ მელაძესთან ერთად, პოლიტიკური და გასართობი თოქ-შოუების წამყვანები გიორგი გაბუნია, ნანუკა ჟორჟოლიანი და ეკა კვესტიაძეც გაათავისუფლა. სალიას თქმით, მათი გათავისუფლების მიზეზი არხთან ინტერესთა კონფლიქტია.