„ქრონიკა +“- ის რედაქტორის ელისო კილაძის ინფორმაციით „რუსთავი 2“- ის გენერალური დირექტორი პაატა სალია კაბინეტშია ჩაკეტილი.
„პატა სალიამ 3 სთ-ზე საგანგებო ბრიფინგი დანიშნა და ხუთი წუთით ადრე გააუქმა! მას მერე კაბინეტშია ჩაკეტილი.
ამ დრომდე, ნიუსის წაყვანაზე არავინ არ თანხმდება!
ხელისუფლებიდან ნეტა ვინმე ამ შედეგზე ფიქრობდა?!“ , - წერს სოციალურ ქსელში ელისო კილაძე.
გავრცელებული ინფორმაციის თანახმად, სამსაათიანი „კურიერი“ ტელეკომპანია რუსთავი 2-ის გენერალური დირექტორის, პაატა სალიას მიმართვით უნდა გასულიყო პირდაპირ ეთერში, თუმცა, წყაროს ინფორმაციით, მან ეთერში შესვლა ბოლო მომენტში გადაიფიქრა და საკუთარ კაბინეტში გადაინაცვლა.
შეგახსენებთ, გუშინ ნოდარ მელაძე, გიორგი გაბუნია და ნანუკა ჟოჟოლიანი გაათავისუფლეს. ამის შემდეგ ტელეკომპანია რამდენიმე თანამშრომელმა თავად დატოვა. მათ შორის "რუსთავი2"-იდან წავიდნენ საინფორმაციო გამოშვება "კურიერის" წამყვანები დიანა ჯოჯუა და მიშა სესეიაშვილი.
