ფოთის მერობის კანდიდატთა რაოდენობა დღითი დღე იზრდება. ამ პოსტზე საკუთარი წარმომადგენელი „ქართულმა ოცნებამაც" დაასახელა. ფრიდონ კვარაცხელია, რომელიც საინიციატივო ჯგუფმა წარადგინა, „ქართული ოცნების" ფოთის შტაბს დაფუძნების დღიდან ხელმძღვანელობს. საინიციატივო ჯგუფი იმედს იტოვებს, რომ წარდგინების შემთხვევაში, ფოთის საკრებულოს წევრთა უმრავლესობა მხარს სწორედ კვარაცხელიას კანდიდატურას დაუჭერს.
