ანალიტიკოსი არჩილ გამზარდია სოციალურ ქსელში ირაკლი ოქრუაშვილის ინტერვიუს ეხმაურება:

„ოქრუაშვილი ამბობს, ფული სულ მქონდა იმ ადამიანების გზით, ვისაც ვარწმუნებდი, რომ ფული ამა თუ იმ საქმეში დაეხარჯაო. ეს რას ნიშნავს, რომ პირადად აყაჩაღებდა ბიზნესმენებს თუ იმას, რომ "რუსთავი 2" სხვისი ფულით შეიძინა თავის დროზე. ამ უკანასკნელის შემთხვევაში, მაშინ რას დავობს ამ ტელეკომპანიაზე. გამოდის, სხვას უნდა ჰქონდეს პრეტენზია მესაკუთრეობაზე და არა ოქრუაშვილს.

აქვე, მისი ლაპარაკით, გამოდის რომ "ნაციონალური მოძრაობის" ხელისუფლობის დროს, მაშინდელი ხელისუფლების წევრები მედიას თუ ბიზნესს კერძო ინტერესებით ართმევდნენ და მართავდნენ - ეს კი ვიცოდით ისედაც, მაგრამ ოქრუაშვილმა, შეიძლება ითქვას, თავადვე დაადასტურა.

არც ისე ხანგრძლივ ინტერვიუში, ოქრუაშვილმა ისეთები თქვა პრაქტიკულად რამდენიმე საქმე უნდა აღიძრას მის წინააღმდეგ. მართალი ვთქვა, ვერ გავიგე ოქრუაშვილს რა უნდა და რას უტრიალებს, რადგან საკუთარი თავის წინააღმდეგ უფრო აკეთებს განცხადებებს.“