ხარკოვში ქალაქის ხელისუფლების წარმომადგენლები მიხეილ სააკაშვილის პარტის "ახალ ძალთა მოძრაობის" ბილბორდის დემონტაჟს ახორციელებს. ადგილზე მობილიზებულია პოლიცია და აქვე იმყოფებიან "ახალ ძალთა მოძრაობის" წარმომადგენლები.
ხარკოვის ცენტრში განთავსებულ ბილბორდზე წერია: "ვინ ჩასვამს კერნესს? სააკაშვილის სპეცრაზმი" და მისი პარტიის საარჩევნო ნომერია მითითებული.
გენადი კერნესი ხარკოვის ქალაქის თავია, რომელსაც "ახალ ძალთა მოძრაობა" კორუფციაში ადანაშაულებს.
ფაქტს უკვე გამოეხმაურა მიხეილ სააკაშვილი:
"აი, როგორ აუქმებენ ისინი უკრაინის კანონებს თავიანთ ფეოდალურ სამფლობელოში", - წერს სააკაშვილი ფეისბუქის გვერდზე.