“ერთი გიჟი ყველა სოფელს ჰყავსო- შემოგვითვალა და როგორც “ფბ” -ში ვიცით ხოლმე – მიყვარხააართ! “პაკააა”!და უცნაური “სმაილიკიც” მოაყოლა…” – აღნიშნული “ფეისბუქ” პოსტით საქართველოს პარლამენტის ყოფილი დეპუტატი ხათუნა ხოფერია რუსეთი პრეზიდენტის დღევანდელ განცხადებას ეხმაურება.

ვლადიმერ პუტინმა გიორგი გაბუნიას შეურაცხმყოფელ განცხადებასთან დაკავშირებით პირველი კომენტარი გააკეთ და აღნიშნა, რომ ჟურნალისტის მიმართ სისხლის სამართლის საქმის აღძვრა არ ღირს,რადგან:  – „ძალიან დიდი პატივი იქნება მისთვის. გააგრძელოს თავისი საქმიანობა“ – განაცხადა რუსეთის პრეზიდენტმა.

ამასთან, პუტინი საქართველოს წინააღმდეგ სანქციებს მხარს არ უჭერს. რუსეთის ფედერაციის პრეზიდენტის განმარტებით, ის სანქციების წინააღმდეგ ქართველი ხალხის პატივისცემის გამო მიდის. ინფორმაციას “რია ნოვოსტი” ავრცელებს.