ნიკა მელია პარლამენტმა არ დააპატიმრა შესაბამისად მისთვის უფლებამოსილების შეწყვეტა პარლამენტს არ შეუძლია შესაბამისად მას აქვს პარლამენტის წევრისთვის ამ კონსტიტუციით გარანტირებული ყველა უფლება - ამის შესახებ განცხადებას "შენების მოძრაობის" ლიდერ დავით უსუფაშვილი აკეთებს.

უსუფაშვილი ამბობს, რომ რადგან მელიას სასამართლომ პატიმრობა არ შეუფარდა, ის ისარგებლებს დეპუტატისთვის მინიჭებული ყველა კონსტიტუციური უფლებით, მათ შორის სიტყვით გამოსვლითაც.

"დიახ, პარლამენტის წევრი შეიძლება იქნას დაპატიმრებული, მაგრამ იმ შემთხვევაში თუ ამაზე თანახმაა პარლამენტიც და სასამართლოც და თუ დაპატიმრებულია, მაშინ პარლამენტს შეუძლია შეუწყვიტოს უფლებამოსილება. მელია პარლამენტმა არ დააპატიმრა შესაბამისად მისთვის უფლებამოსილების შეწყვეტა პარლამენტს არ შეუძლია შესაბამისად მას აქვს პარლამენტის წევრისთვის ამ კონსტიტუციით გარანტირებული ყველა უფლება. მათ შორის პარლამენტში მისვლა და სიტყვით გამოსვლა.

პარლამენტშიც ახლა ალაპარაკდნენ, რომ შევხედავთ სასამართლომ რა თქვა და მერე შეიძლება შევუწყვიტოთ უფლებამოსილებაო, ეს არის სრულიად გაუგონარი არაკომპეტენტურობა, არაკვალიფიციურობა, სურს ოცნებას, რომ მთელი ქვეყანა მელიას თმებს დავდევდეთ, რომ არაფერი ჩამოუვარდეს მართლა", - ამბობს უსუფაშვილი.