საქართველოს ყოფილი პრეზიდენტი მიხეილ სააკაშვილი ტელეკომპანია „რუსთავი 2“-ის ჟურნალისტის თამარ ბაღაშვილის გუშინდელ განცხადებას და ქმედებას იწონებს, როდესაც მან შს მინისტრს  პირდაპირ ეთერში გადადგომისკენ მოუწოდა, ჯალათი უწოდა და პროტესტის ნიშნად ტელეწამყვანებისა და მინისტრის შეხვედრა დატოვა.

„მე ვამაყობ იმით, რომ თამარ ბაღაშვილის თანამემამულე და თანამედროვე ვარ! ყველაზე ცოფიანი ძაღლის ფონზეც კი დაჭრილი და დაკბენილი, ინარჩუნებს სიმშვიდეს და კეთილშობილებას“, – დაწერა სააკაშვილმა “ფეისბუქის” პირად გვერდზე.

თამარ ბაღაშვილის 20 ივნისს აქციის დაშლისას დაშავებულ 32 ჟურნალისტს შორის ერთ-ერთია.

გუშინ, შინაგან საქმეთა მინისტრი ტელეწამყვანებს შეხვდა და 20-21 ივნისის მოვლენებსა და აქციის დარბევასთან დაკავშირებით დასმულ კითხვებს უპასუხა. ერთ-ერთი, ვინც კითხვა დასვა იყო “რუსთავი2”-ის ჟურნალისტი თამარ ბაღაშვილი, რომელიც აქციის ღამეს დაშავდა. მწვავე კითხვა პასუხის შემდეგ, მან მინისტრს განუცხადა, რომ ის არ უნდა იყოს. ბაღაშვილმა გახარია ჯალათი უწოდა.