რუსი ჟურნალისტის ივან გოლუნოვის საქმეს გენერალური პროკურატურა შეისწავლის

რუსი ჟურნალისტის ივან გოლუნოვის საქმეს გენერალური პროკურატურა შეისწავლის

რუსეთის გენერალურმა პროკურატურამ ჟურნალისტ ივან გოლუნოვის საქმის მასალები გამოითხოვა. ამის შესახებ Euronews-ი ადვოკატზე დაყრდნობით იუწყება.

სერგეი ბადამშინის განმატებით, ამ ეტაპზე საუბარი არ არის სისხლის სამართლებრივი დევნის შეწყვეტაზე - პროკურატურა მხოლოდ გამოძიების მუშაობას შეამოწმებს.

გამოცემა Мeduza-ს კორესპონდენტს ივან გოლუნოვს ბრალი დიდი რაოდენობით ნარკოტიკების ფლობასა და გასაღების ფაქტზე წარუდგინეს. რუსეთის სისხლის სამართლის კოდექსით აღნიშნული ბრალდება 10-დან 20 წლამდე პატიმრობას ითვალისწინებს.

რუსი ჟურნალისტი, რომელიც მოსკოველი მაღალჩინოსნების კორუფციის საქმეს იძიებდა, პოლიციამ 6 ივნისს მოსკოვში დააკავა. 8 ივნისს მას შინაპატიმრობა მიუსაჯეს.

36 წლის ივან გოლუნოვი Мeduza-ს კორესპონდენტია. გამოძიების ცნობით, დაკავებისას მას ნარკოტიკული საშუალების შეკვრა აღმოუჩინეს, მეორე პაკეტს კი ჟურნალისტის სახლში მიაგნეს.

დამოუკიდებელი რუსულენოვანი ინტერნეტ-გამოცემა Meduza-ს ოფისი ლატვიის დედაქალაქ რიგაში მდებარეობს.