მაროკოელმა მეზღვაურებმა ხმელთაშუა ზღვაში 169 არალეგალი მიგრანტი გადაარჩინეს

მაროკოელმა მეზღვაურებმა ხმელთაშუა ზღვაში 169 არალეგალი მიგრანტი გადაარჩინეს

მაროკოს სანაპირო დაცვამ ხმელთაშუა ზღვაში 169 არალეგალი მიგრანტი გადაარჩინა, რომლებიც ევროპაში მოხვედრას ცდილობდნენ. ამის შესახებ ქვეყნის სამხედრო საზღვაო ძალებზე დაყრდნობით ადგილობრივი სააგენტო MAP-ი იუწყება.


გავრცელებული ინფორმაციით, სანაპირო დაცვის გემებმა მაროკოს ტერიტორიულ წყლებში რამდენიმე რეზინის ნავი შენიშნეს. ნავებზე მყოფი არალეგალი მიგრანტები, რომლებიც დასავლეთ საჰარას რეგიონიდან ევროპაში მიემგზავრებოდნენ, მაროკოს ერთ-ერთ პორტში გადაიყვანეს.


მიგრაციის საერთაშორისო ორგანიზაციის მონაცემებით, მიმდინარე წელს ხმელთაშუა ზღვის გავლით ესპანეთში 8 ათასამდე მიგრანტი ჩავიდა, კიდევ 137 კი დაიღუპა. 1 იანვრიდან 1 მაისამდე ხმელთაშუა ზღვის გავლით ევროპაში ჩასული მიგრანტების რიცხვმა 16 806 შეადგინა.