თბილისში კიდევ ერთი საიდუმლო დოკუმენტაცია გაანადგურეს. პირადობის მოწმობების ასლები, გლდანის მაჟორიტარობის კანდიდატის სახელზე დაწერილი წერილები და კონკრეტული პირის პოლიტიკური შეხედულებების ამსახველი ქაღალდები ამჯერად გლდანში, ნაბთობსადენის 58-ე კილომეტრზე დაწვეს. თუმცა განადგურებას გადარჩენილი რამდენიმე მტკიცებულება კამერამ მაინც დააფიქსირა. ,,ნეიტრალური", ოპოზიცია, საეჭვოა-ასეთი სტატუსები გასდევს საიდუმლო სიებში ჩამოთვლილ ადამიანებს. იურისტები კანონდარღვევაზე საუბრობენ და გამოძიების დაწყებას ითხოვენ. არჩევნების შემდეგ ეს დოკუმენტაციის განადგურების პირველი შემთხვევა არ არის. ასეთი სიები მეცხრე არხმა 2 ოქტომბერს გლდანის ნაგავსაყრელზეც იპოვა, რამდენიმე დღეში კი საეჭვო საბუთები ლისის ტბაზეც დაწვეს.
