2019 წლის მარტის თვეში, კომპანია ყაზტრანსგაზ-თბილისის სპეციალისტებმა თბილისში, საცხოვრებელ ბინებში 2915 კუსტარულად დამონტაჟებული და აკრძალული, ღიაკამერიანი გაზგამათბობელი და წყალგამაცხელებელი ჩაჭრეს.
ბინის მეპატრონეთა დიდი ნაწილი, რომლებშიც გაზის დანადგარები ქსელიდან ჩაიხსნა, ერთხელ უკვე იყო გაფრთხილებული და ინფორმირებული მოსალოდნელ საფრთხეებზე, თუმცა განმეორებითი შემოწმების დროს სპეციალისტებს ბინებში კვლავ დახვდათ გაზის ქსელზე თვითნებურად მიერთებული საშიში ღიაკამერიანი გაზგამათბობლები და წყალგამაცხელებლები.
"კომპანია კიდევ ერთხელ გაფრთხილებთ - კუსტარულად, თვითნებურად მიერთებული და ღია კამერიანი გაზდანადგარები კატეგორიულად დაუშვებელი და საშიშია, როგორც თქვენი ოჯახის წევრებისთვის, ისევე თქვენი მეზობლებისთვის,"- წერია განცხადებაში,
მარტის თვეში ყველაზე მეტი კუსტარულად დამონტაჟებული დანადგარი სამგორში ( 585); ჩუღურეთსა ( 430 ) და სანზონაში ( 332) ჩაიხსნა. რაიონების მიხედვით მარტის თვის სტატისტიკა ასეთია:
სამგორში - 585
ჩუღურეთში - 430
სანზონაში - 332
ისანი - 287
ნაძალადევი - 284
გლდანი - 231
მთაწმინდა - 194
კრწანისი - 165
ვაზისუბანი - 145
ვაკე - 96
დიდუბე - 58
ნუცუბიძე - 49
წყნეთი - 34
დიღომი - 25.
