მექსიკა 500 წლის წინანდელი კოლონიზაციისთვის ბოდიშს ითხოვს

მექსიკა 500 წლის წინანდელი კოლონიზაციისთვის ბოდიშს ითხოვს

მექსიკის პრეზიდენტმა ანდრეს მანუელ ლოპეს ობრადორმა ესპანეთის მეფე ფილიპე მეექვსეს და რომის პაპ ფრანცისკეს წერილი მისწერა და მათ ბოდიშის მოხდისკენ მოუწოდა იმ დანაშაულისთვის, რომელიც ესპანელებმა კოლონიალიზმის პერიოდის დროს ჩაიდინეს.

„ხდებოდა მასობრივი მკვლელობები. ე.წ. დაპყრობა ჯვრითა და მახვილით ხდებოდა. მათ თავიანთი ეკლესიები ადგილობრივ ტაძრებზე ააშენეს“, - აცხადებს ლოპესი.

ესპანეთში გმობენ 500 წლის წინ ჩადენილ დანაშაულს აბორიგენი მოსახლეობის მიმართ, თუმცა ძველ საუკუნეში მომხდარი შემთხვევების შეფასება თანამედროვე სტანდარტებით არ მიაჩნიათ მართებულად.

ესპანელებმა, რომელთა სათავეშიც ერნან კორტესი იდგა, თანამედროვე მექსიკის ტერიტორია 1519-1521 წლებში დაიპყრეს.