პარლამენტის დამოუკიდებელი დეპუტატი ეკა ბესელია ყოფილი პრემიერ-მინისტრის ირაკლი ღარიბაშვილის დაბრუნებას აფასებს. როგორც ბესელიამ „2020NEWS“-თან საუბრისას განაცხადა, მმართველ გუნდს სისტემური ცვლილება დასჭირდება და მხოლოდ ირაკლი ღარიბაშვილის დაბრუნება ამას არ ეყოფა.
„მმართველ პარტიას სისტემური ცვლილება დასჭირდება . კობახიძე და მისი გუნდი დამანგრეველი ფუნქციის შემსრულებელი იყო პარტიაში.ახლა ტროას ცხენის როლი შეასრულეს და გვინდა ეს ცვლილებები. ირაკლი ღარიბაშილს წარმატებას ვუსურვებ“, - განაცხადა ბესელიამ.
ცნობისთვის, ყოფილი პრემიერ-მინისტრი ირაკლი ღარიბაშვილი პოლიტიკაში დაბრუნდა. ირაკლი ღარიბაშვილი საქართველოს პრემიერ-მინისტრის თანამდებობას 2013 წლის 20 ნოემბრიდან 2015 წლის 23 დეკემბრამდე იკავებდა.
