"ჩემზე ამბობდნენ "ურიკინებსო", აი, ახლა ვნახავ, როგორ დაალაგებენ ამ არეულ სიტუაციას", - ამბობს ყოფილი დეპუტატი, მკლავჭიდის ფედერაციის პრეზიდენტი სოსო ჯაჭვლიანი. ის ქვეყანაში ბოლო დროს განვითარებულ მოვლენებს ეხმაურება და ამბობს, რომ "ქართულმა ოცნებამ" იმედები მხოლოდ ამომრჩეველს კი არა საკუთარი გუნდის წევრებსაც გაუცრუა.
"ჩვენ ველოდით, რომ აღდგებოდა სამართლიანობა, გაუმჯობესდებოდა სოციალური მდგომარეობა, ქვეყანა წინ წავიდოდა......დღეს რა ხდება? დამნაშავეები თანამდებობებზე ინიშნებიან, ხალხი ყოველდღე ღარიბდება, ქვეყანა აღარ ვითარდება" - განაცხადა ჯაჭვლიანმა.
