ცნობილი მამრეს მუხა, რომელიც პალესტინის ავტონომიის ტერიტორიაზე, ბეთლემის მახლობლად მდებარე ქალაქ ქებრონის გარეუბანში დგას, 9 თებერვალს, წაიქცა. ინფორმაცია, მამრეს მუხასთან დაკავშირებით, სოციალური ქსელების მომხმარებლებმა გაავრცელეს.

"მამრეს მუხა", ცნობილია, როგორც ეკლესიის ერთ–ერთი უდიდესი სიწმიდე, იხსენიება ძველი აღთქმის წიგნში "დაბადება“ და ცნობილია, რომ ეს ის ადგილია, სადაც აბრაამი ცხოვრობდა. სწორედ, ამ მუხის ქვეშ გამოეცხადა მას, სამი ანგელოზი და ვაჟიშვილის დაბადება ამცნეს.

არსებობს გარდმოცემა, რომ ამ ხის გახმობა, იქნებოდა მომასწავებელი, ქვეყნის აღსასრულის დაწყებისა.

საუკუნეზე მეტია, "მამრეს ხე" ნელ-ნელა ხმება. მიუხედავად მოვლა-პატრონობისა, 1995 წლიდან, მას მწვანე ფოთოლი, აღარ ჰქონდა. გასულ წელს კი, თითქმის მთლიანად გახმა. 

აბრაამის დროიდან თუ ავითვლით, მამრეს მუხა, 27-28 საუკუნეს ითვლის, თუმცა, იქ მუხნარი, უფრო ადრეც არსებობდა - სავარაუდოდ, წარღვნის შემდგომ, უნდა იყოს აღმოცენებული. ეს ტერიტორია, ამჟამად რუსეთის საპატრიარქოს ეკუთვნის (XIX საუკუნეში შეიძინეს).