ევროკავშირის პალატა (EuCham) ბიზნესისთვის საუკეთესო ქვეყნების სიას ყოველწლიურად აქვეყნებს.

საინვესტიციო მიმზიდველობით საუკეთესო ქვეყნების გამოსავლენად კვლევაში მსოფლიო ბანკის ბიზნესის კეთებისა და საერთაშორისო გამჭვირვალობის კორუფციის აღქმის ინდექსებია გამოყენებული.

რეიტინგში 100-დან 86 ქულით პირველ ადგილს დანია იკავებს. სამეულში შედიან ნორვეგია და შვედეთი.

საქართველო სიაში მე-16-ე ადგილზეა 71 ქულით. 2019 წლის რეიტინგში საქართველოს სარეიტინგო ქულა 2-ით გაუმჯობესდა.

რეიტინგში ჯამში მსოფლიოს 46 ქვეყანაა შეფასებული. რეგიონის ქვეყნებს შორის კი საქართველოს საუკეთესო შედეგი აქვს. შედარებისთვის, თურქეთი 34-ე ადგილს იკავებს, სომხეთი 39-ს, ყაზახეთი 40-ს, რუსეთი 42-ს, აზერბაიჯანი კი 44-ს. ბოლო პოზიციაზე კი უკრაინა იმყოფება.

ამასთან საქართველო იმ ქვეყნებს შორის სახელდება, რომლის პოზიციაც წინა წელთან შედარებით, ყველაზე მეტად გაუმჯობესდა.