"საქართველოს გაუმარჯოს... ძირს ივანიშვილის რუსული ბანდა, გაუმარჯოს საქართველოს", - ქართველი ემიგრანტები ქალაქ ლიეჟში იკრიბებიან. ორ საათში ბელგიის ქალაქში ემიგრანტების და საქართველოს მესამე პრეზიდენტის შეხვედრა დაიწყება. ქართველები კონგრესის სასახლეში კანადიდან, შეერთებული შტატებიდან და ევროპის თითქმის ყველა ქალაქიდან შეიკრიბებიან.
ლიეჟში ჩავიდნენ სხვადასხვა დიასპორის წარმომადგენლები, რომლებიც ამბობენ, რომ ამ შეხვედრაზე ისინი სიტყვითაც აპირებენ გამოსვლას. მათი სურვილია დააფიქსირონ საკუთარი პოზიცია და ხედვა იმისა, თუ როგორ ესახებათ საქართველოს სამომავლო განვითარება.
