თბილისის მერმა, კახა კალაძემ ქველმოქმედებაზე შარშან 330 ათასი ლარი დახარჯა. მონაცემები ქონებრივ დეკლარაციაშია ასახული.
თბილისის მერის წლიური ხელფასი 38 160 ლარია, კალაძის შემოსავლის ძირითადი წყარო კი, ბიზნესია.
დეკლარაციის მიხედვით, გასულ წელს უკრაინული კომპანიებიდან მიღებულმა შემოსავალმა 500 ათასი აშშ დოლარი და 315 ათასი ევრო შეადგინა.
კალაძემ 2018 წელს ახალი ბინა, ავტოსადგომი და ოთხი ავტომობილი შეიძინა. ხარჯებს შორის ფიქსირდება პოლიტიკური შემოწირულობა (კალაძემ ამ მიზნით 50 ათასი ლარი დახარჯა), თვითმფრინავით მგზავრობის ღირებულება (138 527 ლარი და 6890 ევრო), სახლის მშენებლობა წყნეთში (400 ათასი ლარი) და პირადი ნივთების შეძენა.
