აშშ-ს ეროვნულ-დემოკრატიული ინსტიტუტის (NDI) საქართველოს ოფისის დირექტორის ლორა თორნტონის შეფასებით, საზოგადოებრივი აზრის კვლევაში გამოიკვეთა რამდენიმე ძირითადი მიმართულება.
„არასდროს გვინახავს ნატოსა და ევროკავშირის ამხელა მხარდაჭერა მოსახლეობაში. განსაკუთრებით ეს ნატოს ეხება. ზოგიერთ მაჩვენებელში ევროკავშირს მეტი ქულა აქვს, მაგრამ ნატოს მხარდაჭერა ნახტომისებრ გაიზარდა. მით უმეტეს, რომ ალიანსის მაჩვენებელი გაუმჯობესებულია იქ, სადაც ეთნიკური უმცირესობები ცხოვრობენ,“ – აცხადებს ლორა თორნტონი.
