შემწვარი ღორის ხორცი ლიმონითა და პრასით

შემწვარი ღორის ხორცი ლიმონითა და პრასით

მომზადების დრო: 180 წუთი

ულუფა:  3

ინგრედიენტები

ღორის ხორცის სტეიკის ნაჭერი, 2 სმ სისქის - 800 გ (4 ნაჭერი)

პრასი - 2 ცალი

ლიმონი - 1 ცალი

მარილი და პილპილი

ზეთი

მწვანე ხახვი - მოსაყრელად

მომზადების წესები

ხორცის ნაჭრებს დავაწუროთ ლიმონი, მოვაყაროთ მარილი და პილპილი, დავუმატოთ გამოწურული ლიმონის ნაჭრები და 2 საათით მაცივარში დავდოთ.

სქელძირიან ტაფაზე გავაცხელოთ ზეთი, დავაწყოთ ხორცის ნაჭრები და მაღალ ცეცხლზე ორივე მხრიდან შევბრაწოთ, შემდეგ ჩავუმატოთ მსხვილად დაჭრილი პრასი, შევდგათ 180-190 გრადუსზე გახურებულ ღუმელში და შევწვათ დაახლოებით 30-40 წუთის განმავლობაში.

მზა ხორცს მოვაყაროთ წვრილად დაჭრილი მწვანე ხახვი. გარნირად ძალიან უხდება კარტოფილის პიურე ან ახალი ბოსტნეულის სალათა.