17 იანვრის გლოვის დღეა, საზოგადოება დიდ დიღომში დატრიალებული ტრაგედიის გამო შეძრწუნებულია. საცხოვრებელ კორპუსში მომხდარი აფეთქების შედეგად გარდაცვლილია 4 და დაშავებულია 8 ადამიანი, მათ შორის ერთი მცირეწლოვანი ბავშვია.
ტრაგედიამ საზოგადოება გააერთიანა, მოქალაქეებმა სოციალურ ქსელში დაზარალებული ადამიანების უანგაროდ დახმარების სურვილი და მზადყოფნა გამოთქვეს.
დაზარალებულებს სთავაზობდნენ თავშესაფარს, ბავშვებისთვის – სათამაშოებს და თბილ გარემოს, საკვებს, საჭიროების შემთხვევაში კი – სისხლს.
შეგახსენებთ, აფეთქება დიდ დიღომში ავთანდილის ქუჩაზე 20:30 წუთზე მოხდა. აფეთქებას 4 ადამიანის სიცოცხლე ემსხვერპლა, მათ შორის არასრულწლოვნის, დაშავებულია 8 ადამიანი, ისინი სასწრაფო სამედიცინო დახმარების ბრიგადებმა კლინიკებში გადაიყვანეს.