შპს „თბილსერვის ჯგუფი“ ფოთოლცვენასთან დაკავშირებით ნაგავმზიდი მანქანების მოძრაობის განრიგს ცვლის. ნაგავმზიდი მანქანები ძველი განრიგით ე.წ. პიკის საათებშიც იმოძრავებს. აღნიშნული განრიგი გაგრძელდება ფოთოლცვენის დასრულებამდე.

შპს „თბილსერვის ჯგუფმა“ 2015 წლის 4 ნოემბრიდან დედაქალაქის რამოდენიმე რაიონში შეცვალა ნაგავმზიდი მანქანების მოძრაობის გრაფიკი

შპს „თბილსერვის ჯგუფმა“ ქალაქ თბილისის მუნიციპალიტეტის მერის დავალებით საცობების თავიდან აცილების მიზნით დედაქალაქის რამდენიმე რაიონში 2015 წლის 1 სექტემბრიდან საპილოტე პროგრამა განახორციელა, რომლის ფარგლებშიც ე.წ. “პიკის საათებში” შეცვალა ნაგავმზიდი მანქანების მოძრაობის გრაფიკი.

 „თბილსერვის ჯგუფმა“ საქართველოს შინაგან საქმეთა სამინისტროს საპატრულო პოლიციის დეპარტამენტიდან გამოითხოვა ინფორმაცია - ქუჩების ჩამონათვალი, სადაც მიზანშეწონილი იყო მოძრაობის განტვირთვა და ნაგავმზიდი მანქანების ცვლის გრაფიკის შეცვლა. მოწოდებული ინფორმაციის საფუძველზე შემუშავდა დასუფთავების მანქანების გადაადგილების ახალი გეგმა, რომელიც 2015 წლის 4 ნოემბრიდან ამოქმედდა. 

შპს „თბილსერვის ჯგუფმა“ ცენტრალურ რაიონებში, გადატვირთულ ქუჩებზე ე.წ. „პიკის საათებში” დილის 8:30 საათიდან - 10:30 საათამდე და საღამოს 17:30-დან - 20:30 საათამდე შეზღუდა ნაგავმზიდი მანქანების გადაადგილება.