საქართველოს პრეზიდენტი გიორგი მარგველაშვილი მეუღლესთან მაკა ჩიჩუასთან ერთად რუსთაველის სახელობის თეატრში, თბილისის საერთაშორისო თეატრალური ფესტივალის გახსნას დაესწრო.
თეატრალური ფესტივალი „მოხეტიალეთა სიმღერებით" გაიხსნა. სპექტაკლში ტაივანი-ჩინეთის ცეკვის თეატრი "ღრუბლის კარიბჭე" და ქართული ცეკვის ანსამბლი "რუსთავი" მონაწილეობდა.
საერთაშორისო ფესტივალს, რომელიც თბილისში მეექვსედ იმართება პრეზიდენტთან ერთად ქალაქის მერი, კულტურის მინისტრი და საზოგადოების სხვა წარმომადგენლები დაესწრნენ.
