იგორ შვაიკა საქართველოში ოთარ დანელიას ოფიციალური მოწვევით იმყოფება.
შეხვედრაზე მინისტრებმა სოფლის მეურნეობის სფეროში ორმხრივი თანამშრომლობის გაფართოების შესაძლებლობები განიხილეს.
აღინიშნა, რომ მევენახეობა-მეღვინეობა, მეცხოველეობა, მეფრინველეობა, ფქვილისა და მარცვლეულის წარმოება ის მიმართულებებია, სადაც საქართველოსა და უკრაინას შორის თანამშრომლობის გაღრმავების რეალური პერსპექტივები არსებობს. საუბარი შეეხო სამეცნიერო-კვლევითი და ერთობლივი საგანმანათლებლო პროექტების მიმართულებით თანამშრომლობის საკითხებს. თანამშრომლობის კონტექსტში მხარეებმა ხილისა და ციტრუსის ექსპორტის ხელშეწყობის მექანიზმებზე იმსჯელეს.
უკრაინის აგრარული პოლიტიკისა და სურსათის მინისტრის, ოგორ შვაიკას ვიზიტის ერთ-ერთი მთავარი მიზანია, ქართულ მხარესთან ერთობლივად შემუშავდეს თანამშრომლობის ისეთი მექანიზმები, რომელიც მეტ სტიმულს მისცემს ქართველ და უკრაინელ ბიზნესმენებს და შესაძლებელს გახდის თანამშრომლობის მზარდი დინამიკის შენარჩუნებას.
