სასჯელაღსრულების N12 ნახევრად ღია ტიპის თავისუფლების აღკვეთის დაწესებულებაში მსჯავდებულთა მონაწილეობით ინტელექტუალური თამაში „რა, სად, როდის“ გაიმართა. თამაში მოაზროვნემ - გიორგი ბაქრაძემ წაიყვანა.
ერთმანეთს ექვს-ექვსი მსჯავრდებულით დაკომპლექტებული ორი ჯგუფი ეჯიბრებოდა და იგი სატელევიზიო ფორმატით წარიმართა.
გამარჯვებული გუნდი სასჯელაღსრულების დეპარტამენტის გადაწყვეტილებით წიგნებით დასაჩუქრდა.
ასევე თამაშის მსვლელობისას აუდიტორიის და წამყვანის მიერ საუკეთესო მოაზროვნე გამოვლინდა , რომელსაც წიგნი „გინდათ გახდეთ ინტელექტუალი?“ გადაეცა.
ინტელექტუალური თამაში სასჯელაღსრულების დაწესებულებებში პოპულარობით სარგებლობს და ხშირად იმართება. 2014 წელს სასჯელაღსრულების ყველა დაწესებულების ჩართულობით თამაშის სრული ფორმატით ჩატარება იგეგმება .
